Rrëfimi i 27 vjeçares Adriana në emisionin “Dua të të bëj të lumtur” me Arbana Osmanin, ku vajza tregonte se ishte përdhunuar nga një mësues i fesë Islame në jetimoren e Shkodrës, ka sjellë edhe reagimin e Hoxhës së njohur Ahmed Kalaja.
Në rrefimin e saj 27 vjeçarja është shprehur se mësuesi i fesë Islame i fuste në bodrum dhe i përdhunonte, ndërsa newsbomb ka mësuar se mësuesi ishte një arab që i gënjente me hurma arabe dhe më pas i përdhunonte.
Por ka patur edhe kundërshtime nga ana e një psikologe në qytetin e Shkodrës, e cila është shprehur se në atë jetimore nuk ka patur asnjë mësues fetar.
Ndërkohë Hoxha Ahmed Kalaja ka akuzuar moderatoren e programit se po trillon ngjarje dhe histori kundër fesë Islame. Ai e quan moderatoren dështake, që do të mbulojë streset e saj me fenë.
“Arbana Osmani moderatorja e pastorëve të hershëm historia e Gëzimit e deri më sot po trillon ngjarje e histori kundër Islamit ja e radhës…Oj ti! Dështimet, paudhësitë, shthurjet e tua nuk është përgjegjës për to, as Islami as muslimanët. Dështake mos mbulo streset e tua me ne!!!!” shkruan Kalaja.