Ministri i turizmit Blendi Klosi ishte i ftuar në emisionin “Në kurthin e Piter Pan” në Tv Klan, ku pyetjet e intervistës ia drejtuan vetë fëmijët e tij, Aroni dhe Ambla.
Dy vogëlushët e pyetën babain e tyre për marrëdhënien e tij me ta, si edhe me nënën e tyre.
I pyetur nga djali Aron, si e bëri për vete bashkëshorten, Klosi u përgjigj: “Me të thënë të vërtetën sa shumë i jam lutur Aron, po ti nuk i di të gjitha…”.
Klosi tregoi se dita e dielë për familjen e tij është e shenjtë dhe mundohen të kalojnë gjithmonë kohë bashkë.
“Të kryqëzojmë gishtat dhe mos na marrin mësysh, janë këto fotot e ditës së diel që ne nuk i ndahemi njëri tjetrit. Mezi pres të vij dita e diel dhe ne përpiqemi të rrimë të katërt bashkë. Jemi të gjithë bashkë. Tre gjërat që bëj cdo ditë janë, puth fëmijët, shkoj në punë dhe mendoj çfarë duhet të bëj ndonjë gjë të mirë dhe t’iu pëlqejë njerëzve, dhe i porosis fëmijët të mësojnë sa më shumë”, tha Klosi.
Dy vogëlushët e tij, Ambra dhe Aron i dhanë babait të tyre edhe një mesazh të veçantë, ku i premtuan që do ta bëjnë krenar dhe Klosi u shpreh se ndihej fatlum për familjen e tij.
