Vetëm disa ditë më parë, Elgit Doda dhe Alban Skënderaj lançuan bashkëpunimin e tyre “Parajsa ime”, e cila u prit mjaft mirë nga publiku shqiptar.
Gjashtë ditë pas publikimit, kënga super ritmike numëron 2.5 milion klikime në Youtube dhe është kthyer në hitin e kësaj vere.
Mirëpo, pas “Parajsës” fshihet edhe një histori e lezetshme, të cilën na e ka treguar Klea Huta.
Teksa uron publikisht partnerin për këngën, duke u shprehur se çfarë prek dora e tij bëhet mrekulli, Klea rrëfen se kënga është zhvilluar në karantinë.
Madje, ajo është detyruar t’i falë Elgitit një lojë murlan, në mënyrë që ai të punonte.
Kjo pasi Elgiti e ndjente që do të dilte hit dhe në fakt ashtu doli!“Çfarë prek ti dhe nuk bëhet mrekulli?
Ps: Kjo këngë është krijuar në karantinë. I kam falur një lojë murlani atë natë që të punonte, sepse ai e ndjente që do të ishte hit!”- shkruan ajo.
Në fillim të këtij muaji, Klea dhe Elgiti u bënë prindër për herë të parë.
Klea solli në jetë vogëlushin Krid, të cilin sot e kanë regjistruar edhe në gjendjen civile.