Ledri Vula, Capital T dhe Majk u vunë në qendër të vëmendjes së medias rozë javën e shkuar ku u fol për një prishje të raportit mes tyre, pikërisht për shkak të bashkëpunimit të fundit mes Capital dhe Ledri.
Thashethemet u nxitën nga story të vetë reperëve që dukeshin sikur i drejtoheshin njëri-tjetrin, por në fakt nuk ishte kështu. Pas publikimit të lajmeve të tilla vetë këngëtarët reaguan ku përgënjeshtruan gjithçka duke thënë se së shpejti të tre do të jenë në një bashkëpunim.
E teksa ne mezi po e prisnim këtë të fundit, duket se Majk dhe Ledri paskan përgatitur një surprizë.
Dyshja ka realizuar bashkëpunimin e parë së bashkë, teksa tashmë duhet të realizojnë vetëm videoklipin.
Lajmin e ka bërë me dije Ledri, në një intervistë për NIN, ku tha se përveç duetit me Dafinën e Lumi B, do sjellë edhe një duet me Majk.
Me Dafinën e kemi xhiruar klipin. Tani po presim ta xhirojmë edhe me Majkun, kënga ka përfunduar duhet vetëm klipi.