Zv/ ministri i Jashtëm, Gent Cakaj ka nisur punën duke marrë pjesë në takimin e ministrave të Punëve të Jashtme të vendeve anëtare të Bashkimit Evropian dhe vendeve kandidate, i cili zhvillohet në Bukuresht më 31 janar-1 shkurt.
Gent Cakaj zhvilloi një sërë takimesh dypalëshe në Rumani, vend i cili mban presidencën e radhës të Bashkimit Evropian.
Cakaj është takuar edhe me homologun e tij grek, Georgios Katrougalos dhe për këtë takim është publikuar edhe një foto nga Ministria e Jashtme greke në Twitter.
Ndërkohë, në takimin me Ministrin rumun të Shtetit për Çështjet Evropiane George Ciamba, diskutimet u përqendruan në mbështetjen e Presidencës rumune të Këshillit të BE-së për axhendën evropiane të Shqipërisë.
Ministri në detyrë Cakaj, shprehu vlerësimin e lartë për përparësinë që programi i Presidencës rumune të BE-së i kushton procesit të zgjerimit të Unionit në Ballkanin Perëndimor. Pasi nënvizoi arritjet e deritanishme në procesin e reformave që lidhen me konsolidimin e shtetit ligjor dhe me përparësitë kyçe për hapjen e negociatave të anëtarësimit në BE, Ministri në detyrë Cakaj shprehu angazhimin e vendosur për thellimin e tyre. Çelja e bisedimeve të anëtarësimit, u shpreh Cakaj, përveç se njohje e merituar e arritjeve në plotësimin e përparësive kyçe, do të jetë edhe një busull orientuese për më tej.
#Bucharest: Alt. FM G. Katrougalos @gkatr has mtg w/ #Albania DFM G. Cakaj on the sidelines of #ΕU FMs informal mtg #Gymnich / Συνάντηση ΑΝΥΠΕΞ Γ. Κατρούγκαλου με τον ΥΦΥΠΕΞ Αλβανίας G. Cakaj στο περιθώριο της άτυπης Συνάντησης των ΥΠΕΞ κ-μ ΕΕ στο Βουκουρέστι pic.twitter.com/E1cnxizJGt
— Υπουργείο Εξωτερικών (@GreeceMFA) February 1, 2019