Këtë verë duket se shumë shpejt do të dëgjojmë një këngë mes Tunës, Soni Malajt dhe Ylli Limanit. Themi këtë pasi treshja na ka dhënë disa prova përmes postimeve të fundit në llogaritë e tyre në Instagram.
Fillimisht, kanë qenë Soni dhe Tuna ato që kanë publikuar foto të njëra-tjetrës në rrjetin social me përshkrimin “partnere në krim”.
Spekulimet u thelluan më shumë pasi Ylli Limani postoi një video të Tunës teksa ajo këndonte, por duke i hequr opsionin e zërit në mënyrë që të mos dëgjohej.
Ylli postoi videon duke shkruar: “Alo, alo” e duke na lënë shumë kuriozë se mos pikërisht këto dy fjalë mund të jenë titulli i këngës.
Të tre artistët kanë pak kohë që janë shkëputur nga muzika dhe kjo do të ishte mënyra ideale për të lançuar një projekt të ri muzikor. Megjithatë ky projekt nuk eshte konfirmuar nga asnjeri nga artistet.