Tendenca e këtij sezoni për këngëtarët shqiptarë janë bashkëpunimet. Getoari ka lajmëruar se kjo verë nuk do ta gjejë pa një projekt të ri.
Me një foto buzë detit, Geti ka ndarë lajmin e mirë me fansat. “Njëra nga këngët më të mira që kemi po vjen…”, ka shkruar reperi. Duke theksuar se: “Fotoja nuk ka lidhje me spotin”, Getoari ka zbuluar ndër të tjera se kënga e re do të shoqërohet edhe me klip. Por, jo vetëm kaq!
Ai ka publikuar pesë titujt e bashkëpunimeve të tij me Majk në InstaStory, duke lënë të kuptohet se në projektin që pritet të publikohet së shpejti, nuk do të jetë vetëm. “Nuk kemi më vend ku t’i vendosim trofetë, i gjashti me radhë…”, i është përgjigjur Majk, Getoarit.
