Kanë kaluar pak ditë që kur Dhurata Dora publikoi këngë e re të titulluar “Ferrari”, që po bën namin në You Tube dhe deri tani numëron 5 milionë klikime.
Mirëpo, duket se këngëtarja paska në plan edhe realizimin e një super dueti me Sabri Fejzullahun dhe këtë na e zbuloi ky i fundit.
Në fakt zërat për një duet mes dyshes kanë vite që qakullojnë, por si duket ka ardhur koha që planet të konkretizohen.
I ftuar në “Prive” këngëtari i madh shqiptar ka thënë se gëzon respekt të madh për Dhuratën dhe se nuk e kanë harruar duetin mes tyre.
Madje ai ka zbuluar edhe këngën që do realizojnë, “Merrma shiun e Prishtinës”, një nga këngët më të famshme të Sabriut, që si duket do vijë në një version “Remake”.
Kënga me Dhuratën nuk është anuluar. Dhuratën e kam zemër, e kam çikën e kojshive. Mamin e babin e saj i kam shokë të fëmijërisë. Dhurata është yll dhe ne do bëjmë “Merrma shiun e Prishtinës”.