Regjistrohet viktima e parë nga gripi i derrit në Shqipëri. Ai është një 48-vjeçar nga qyteti i Elbasanit, i cili ishte shtruar në Sanatorium prej ditës së mërkurë të kësaj jave, bashkë me dy persona të tjerë, ndërsa mëngjesin e sotëm raportohet se ka ndërruar jetë.
Të prekurit nga virusi AH1NI, janë mbajtur në karantinë dhe nën kujdesin intensiv të mjekëve, por 48-vjeçari nuk ka arritur që t’i mbijetojë virusit. Ai mësohet se kishte edhe komplikacione të tjera shëndetësore.
Ndërkohë që Drejtoria e Shëndetit Publik në Elbasan ka bërë një mbledhje urgjente pas rasteve që janë paraqitur duke kërkuar angazhim maksimal për të parandaluar raste të tjera të epidemisë së rëndë.