I gjithë planeti tokë po përjeton një situatë të pazakontë për shkak të Covid-19. Dëme të mëdha ka sjellë edhe në pjesën e ekonomisë.
Një ndër personazhet e njohur i cili është prekur më së shumti në këtë pjesë është aktori i njohur Robert de Niro.
Së fundmi ylli kinematografik ka treguar se gjendja e pandemisë i ka dhënë një goditje të fortë zinxhirit të restoranteve të tij Nobu dhe hotelit Greenwixh, të cilët prej muajsh janë mbyllur pjesërisht. Në prill, Nobu humbi tre milionë dollarë e në maj, edhe 1.87 milionë të tjera duke e detyruar de Niron të merrte hua sepse nuk kishte likuiditetin e nevojshëm për të paguar një grup investitorësh.
Por krahas gjithë kësaj, ai po përballet edhe me një tjetër problem. Ish-bashkëshortja e tij, Grace Hughtower ka bërë ankesë në gjykatë për shkak se de Niro i ka reduktuar shumën e parave që duhet t’i paguajë asaj çdo muaj.
Mirëpo avokatja e aktorit ka sqaruar se pakti mes ish bashkëshortëve ishte që De Niro t’i paguajë Hightower një milionë e gjysmë dollarë, kur të ardhurat e tij kapërcejnë 15 milionë dollarët ne vit.
Të ardhurat e tij janë ulur ndjeshëm, e rrjedhimisht edhe “paga” për ish-bashkëshorten.