Shqipëria nuk parashikohet të shkojë drejt një mbyllje tjetër. Ministrja e Shëndetësisë, Ogerta Manastirliu, tha se situata po ndiqet në vazhdimësi nga ekspertët.
Ndërsa nga kjo javë, maskat do të jenë të detyrueshme për çdo qytetar në ambientet e brendshme.
“Maska është e detyrueshme në ambientet e mbyllura. Tashmë, vendosja e maskës nuk është më një rekomandim, por edhe një përgjegjësi”, u shpreh ministrja.
E pyetur si parashikohet të jenë kushtet si do të zhvillohet viti i ri shkollor, ajo u shpreh:
“Jemi duke punuar me Ministrinë e Arsimit dhe do të jenë 8 javë intensive për hartimin e skenarëve. Sot nuk mund të flasim dot për skenarët fiks në raport për atë që duhet të ndodhë”, u shpreh ministrja për A2.