Mjeku Pëllumb Pipero teksa ka folur për rëndësinë e maskës, ka detyruar edhe gazetaren Matilda Mcini ta vendosë atë.
Sipas Piperos, maska deri në daljen e vaksinës duhet të bëhet një mënyrë e dytë jetese.
“Nëse në fillime të pandemisë ne thonim që masa është e nevojshme në mjediset spitalore, tashme bota ka kuptuar që në gjithë këtë sjellje, maska duhet bërë mënyrë jetese. Unë e kam mbajtur maskën edhe në rrugë aty ku nuk është e detyrueshme. Unë mendoj se maska duhet të bëhet e detyrueshme në ambiente të mbyllura.Maska duhet vendosur gjatë bisedës në ambiente të mbyllura. Ky virus transmetohet përmes spërklave të pështymës. Këto spërkla kalojnë, ndërsa maska na mbron deri në 85%. Duhet respektuar maska dhe distanca. Sa kohë nuk kemi në zgjidhje globale sikurse është vaksina, maska mbetet një mënyrë e dytë jetese. Ky virus jashtë çdo parashikimi do të vazhdojë për një periudhë të gjatë.”-tha mjeku.