“Me pak para bëhen punë të mira”. Kështu është shprehur kryebashkiaku i Matit, Agron Malaj, një vit më parë. Dhe kështu ka ndodhur, në çdo lagje të Burrelit ndihet dora e bashkisë.
Ndërmarrja e Shërbimeve Bashkiake po ndërhyn në të gjitha blloqet e banimit. Qëllimi kryesor është përmirësimi i jetesës së banorëve të Burrelit. Kudo po ndërtohen minilulishte, po largohet balta dhe pluhuri, po mbillen lule dhe pemë dekorative.
Ditët e fundit vëmendja është përqëndruar në “zemër” të qytetit. Në një postim të kryetarit të Bashkisë Mat, Agron Malaj, thuhet:
“Po punojmë për rikualifikimin e lagjes Partizani, blloku afër Shkollës 28 Nëntori. Ndërtimi i hapësirave të gjelbra, vendosja e sinjalistikës së duhur, vendet e parkingut dhe ndriçimi do të krijojnë një lagje dinjitoze për komunitetin! Ky është vetëm fillimi pasi jemi të vendosur të vazhdojmë kështu në të gjitha lagjet!”
