Në plazhin e Velipojës, vrojtuesit kanë mundur të shpëtojnë nga mbytja një pushuese 23-vjeçare me inicialet A. J. nga Gjakova.
Të kapur nga paniku për të shpëtuar familjaren e tyre, i vëllai dhe i fejuari i të rrezikuares, kanë hyrë për ta ndihmuar, por janë gjendur në vështirësi dhe më pas kanë rrezikuar të mbyten.
Vrojtuesit Ardit Taflaj, Eglant Rexha dhe Elfat Hasani ia kanë dalë t’i nxjerrin të tre të rrezikuarit në breg, ku i kanë dhënë ndihmën e parë derisa ishin jashtë rrezikut për jetën. Të tre të rrezikuarit fatmirësisht gëzojnë shëndet të plotë.