Mbrëmjen e sotme në Sarandë janë regjistruar të shtëna me armë zjarri. Mësohet se ngjarja është regjistruar pranë një lokali.
Paraprakisht dyshohet se bëhet fjalë për një shkëmbim zjarri mes dy grupeve kriminale. Gjatë shkëmbimit të zjarrit është përdorur pistoletë dhe kallashnikov. Por policia ka hedhur poshtë idenë e përplasjes mes dy grupeve.
Përmes njoftimit zyrtar, Policia e Sarandës, bëri me dije se rreth orës 21:40, në fshatin Gjashtë të Sarandës, lart në kodër, dyshohet se një person ka qëlluar me armë zjarri në ajër.
Njoftimi i policisë
Informacion paraprak Rreth orës 21:40, në fshatin Gjashtë të Sarandës, lart në kodër, dyshohet se një person ka qëlluar me armë zjarri në ajër. Kanë shkuar shërbimet e policisë së Sarandës si dhe një grup i FNSH me qëllim krehjen e zonës. Vijon puna për sqarimin e rrethanave të ngjarjes.