Mëngjesin e sotëm Tushemishti u trondit nga breshëria e plumbave në parkingun e një hoteli, ku bëhet e ditur se është qëlluar mbi 100 herë nga autorët me kallashnikov në drejtim të automjeteve.
Burimet thanë se ngjarja lidhet me një mesazh që autorët po japin ndaj pronarit të hotelit, shtetasit J.M, i cili ka bërë kallëzim në Polici dhe ka treguar mbi dyshimet e tij lidhur me autorët e mundshëm.
Ngjarja konfirmohet dhe nga burimet e Policisë. Blutë bëjnë me dije se është qëlluar në drejtim të disa mjeteve të parkuara, duke iu shkaktuar dëme materiale.
“Më datë 08.08.2020, rreth orës 05:00, në parkingun e nje hoteli në Tushemisht, dyshohet se është qëlluar me armë zjarri në drejtim të disa mjeteve të parkuara, duke iu shkaktuar dëme materiale.
Nga ana e Policisë, po punohet intensivisht për identifikimin e kapjen e autorëve si dhe sqarimin e plotë të rrethanave të ngjarjes”, njofton policia.