Mjeku infeksionist Pëllumb Pipero deklaroi se situata si pasojë e pandemisë është shqetësuese në Shqipëri.
Pipero theksoi se kapacitetet spitalore janë thuajse të ezauruara dhe se do hapet së shpejti spitali Covid-3 ndërsa në vijimësi mund të hapet dhe Covid-4.
“Aktualisht, kapacitetet e tanishme janë pothuajse të ezauruara, kështu që spitali Covid-3 po bëhet gati të hapet.
Besoj se do hapet këtë javë që vjen.
Në vijimësi mund të hapet dhe Covid-4, por unë kam pasur dhe kam mendimin se të gjitha strukturat spitalore rajonale duhet të jenë gati në shtator sepse fundi i vjeshtës do të shoqërohet dhe me viruset e gripit stinor”, u shpreh mjeku i njohur në një intervistë në edicionin e lajmeve në televizionin “Klan”.