John Travolta ka ndarë një video prekëse në rrjetet sociale pas vdekjes së gruas së tij, Kelly Preston. Ylli i “Grease” publikoi të shtunën një video në Instagram duke kërcyer së bashku me vajzën e tij 20 vjeçe Ella në kujtim të aktores së ndjerë.
Dyshja u duk se ishin në një ambient pothuajse bosh, teksa kërcenin ngadalë me muzikën në sfond. “Vajza ime Ella Travolta dhe unë kërcejmë në kujtim të nënës. Një nga gjërat e preferuara të Kelly-t, të kërcente me mua”, shkroi ai.
Fansat reaguan menjëherë me komente, duke dërguar urimet më të mira për John-in dhe familjen e tij.
“Më vjen keq për humbjen tuaj, kërcimi është i ëmbël”, shkroi një ndjekës. “Jam e sigurt që ajo po vallëzon me ju. Faleminderit që po e ndan këtë moment magjik me ne”, shtoi një tjetër.
Bashkëshortja e John Travoltas humbi jetën në moshën 57-vjecare pas një lufte të gjatë me kancerin në muajin korrik. Kelly ka lënë pas bashkëshortin e saj, John Travoltan dhe fëmijët: Jett Travolta, Ella Bleu Travolta dhe Benjamin Travolta.
https://www.instagram.com/p/CELNqn8JgEU/?utm_source=ig_embed