Selena Gomez ka bashkëpunuar me grupin e vajzave koreane Blackpink në një këngë të quajtur ‘Ice Cream’, e cila është publikuar ditën e sotme dhe renditet e para “on trending”.
Gocat po festojnë publikimin e këngës me një akullore të frymëzuar nga kënga. Firma e akullores Serendipity ka dalë me variantin e ri të quajtur “Cookies & Cream Remix “të frymëzuar nga bashkëpunimi i tyre.
Selena njoftoi në Instagramin e saj pasditen e djeshme se është partnerja më e ri e Serendipity, që është, natyrisht, e lidhur me restorantin e famshëm të qytetit të Nju Jorkut Serendipity3.
Akulloret do jenë në markete si edhe do shiten online duke nisur nga dita e sotme për 5,99 dollarë. Ditën e djeshme para publikimit të këngës Selena u ka dërguar nga një kuti me akullore dhuratë disa prej figura publike, bashkëpunëtorëve dhe shokëve të saj. Dhe në këtë listë duket të ketë qenë dhe Bebe Rexha.
Shqiptarja ka ndarë disa video në Instastory, duke falenderuar Selenën, teksa nuk mund ta fshehte dot entuziazmin.