Për ish ministrin e Jashtëm Ditmir Bushati firmosja e protokollit të anëtarësimit të Maqedonisë së Veriut në NATO është dëshmi e triumfit të vlerave euro-atlantike të rajonit tonë.
Në një postim në rrjetet sociale Bushati thotë se marrëveshja mes Greqisë dhe Maqedonisë së Veirut ia doli të lërë pas ndasitë e të shkuarës duke projektuar një të ardhme më të sigurtë e të begatë për rajonin.
“Firmosja e protokollit të anëtarësimit të Maqedonisë së Veriut në NATO është dëshmi e triumfit të vlerave euro-atlantike në rajonin tonë. Vizioni dhe përkushtimi i dëshmuar përmes dialogut të dy fqinjëve tanë për tejkalimin e mosmarrëveshjes që mbajti pezull për gati 3 dekada perspektivën e intergimit euro-atlantik ja doli të lërë pas ndasitë e së shkruarës dhe të projektojë një të ardhme më të sigurtë e begatë për rajonin, Europën dhe Aleancën e Atlantikut të Veriut. Përgëzime të gjithë atyre që punuan për të bërë të mundur këtë arritje historike, veçanërisht faktorin politik shqiptar në Maqedoninë e Veriut që vijimësisht ka punuar për ankorimin në rrjedhat euro-atlantike. Shqipëria mbështet gjithnjë një Maqedoni multietnike, demokratike, të kyçur në NATO dhe BE”, shkruan Bushati.