Eranda Libohova është një këngëtare me stil unik, balada të ndiera, një zë që nuk mund ta harrosh, elegante dhe moderne. Energjia pozitive e saj rrezaton kudo ku ndodhet. Kemi më shumë se 3 dekada që e dëgjojmë muzikën e saj të kuruar në detaje dhe gjithmonë na surprizon me hitet që ofron për publikun.
Ajo ka qenë ditën e sotme e ftuar në emisionin “Rudina”, ku pa promovuar këngën e kësaj vere “Ego” që është pëlqyer mjaft nga publiku. Ndër të tjera, gjatë emisionit është shfaqur dhe një video që Eranda ka publikuar para disa kohësh në “Instagram” ku këndonte këngën e Ollgës dhe ngjitur me shtëpinë kishte një punëtor.
E pyetur nga Rudina Magjistari për historinë e kësaj video, Eranda u shpreh se u frymëzua nga ai punëtori pranë shtëpisë dhe çdo gjë doli shumë spontane.
Rudina Magjistari: Duke gërmuar në Instagramin tënd kemi gjetur një video shumë të këndshme, ku ti je në oborrin tënd duke shtruar çentron në tavolinë dhe duke kënduar si teto Ollga. Mua m’u duk sikur po e ngacmon atë djalin aty.
Eranda Libohova: Në fakt ashtu është, ai na frymëzoi. Ai ishte një punëtor i cili po pushonte aty dhe na lindi spontane kjo video me gjithë shoqen time dhe kur e shikoj më vjen për të qeshur. Pastaj ne jemi rritur me batutat e këtyre filmave dhe na vijnë në mënyrë shumë spontane.
Rudina Magjistari: A pati ndonjë reagim nga kënga jote, se një djalë që ta dëgjonte këtë këngë me zë të lartë afër tij do e kuptonte që bëhet enkas për të.
Eranda Libohova: Jo në fakt ai po fliste në telefon dhe nuk e kishte mendjen fare. Jam shumë e bindur që ai as e ka idenë e kësaj video. /tvklan.al