Këngëtari me origjinë shqiptare, Bertan Asllani, i cili prej vitesh jeton e vepron në Turqi, para 1 muaji i propozoi për martesë aktores turke, Hazal Senel. Të dy ata ndanë këtë moment me ndjekësit e tyre në rrjete sociale përmes një fotografie, ku shiheshin të lumtur pranë njëri-tjetrit me unaza në duar.
I ftuar mëngjesin e sotëm në “Ëake Up”, Asllani ka treguar se si i propozoi për martesë partneres së tij. Ai tregoi se me Hazal kanë 7 vite të lidhur dhe se tashmë janë edhe miqtë më të mirë të njëri-tjetrit.
“Kemi 7 vite me Hazal dhe jemi shokë shumë të mirë. Plani ishte për një propozim në Paris, por pandemia nuk na lejoi”, u shpreh Bertani.
Ai shtoi se pas 7 vitesh lidhje partnerja e tij nuk priste një propozim për martesë, aq më tepër në prani të familjeve të tyre. Bertani tha se nuk shquhet si djalë romantik dhe se propzimi i erdhi shumë natyrshëm. I pyetur se kur do ta organizojnë dasmën, këngëtari tha se mund të mbajnë dy ceremoni duke qenë se Hazal është nga Stambolli, ndërsa ai nga Shkupi.
Thuhet se Bertan Asllani dhe Hazal Senel janë njohur rastësisht, kur u bënë pjesë e një filmi turk të dy bashkë. Gjatë xhirimeve të filmit ‘Pis Yedili’, në të cilin këngëtari Asllani luajti një rol të vogël, dyshohet se lindi dhe kimia mes çiftit.