Moderatorja Klea Huta u bë nënë për herë të parë në muajin qershor të këtij viti, pasi solli në jetë një djalë.
Ajo dhe Elgiti e pagëzuan të birin me emrin Krid dhe moderatorja na ka treguar shpeshherë se është një nënë e fiksuar.
Ajo e kalon të gjithë kohën e saj me të voglin, për të cilin përkujdeset në maksimum dhe bëhet “bishë” për ta mbrojtur atë.
Këtu futen edhe prekjet apo përkëdheljet nga personat e huaj, të cilat Klea nuk i lejon aspak.
Si një nënë e re, moderatorja nuk ka aspak dëshirë që fëmija i saj të ketë kontakt me persona të tjerë dhe siç sugjeron edhe vetë, më parë duhet pyetur nëna nëse mund t’ia prekësh apo jo fëmijën e saj.
Në një postim në InstaStory, Klea ka ndarë një mesazh ndërgjegjësimi për të gjithë ata persona që kanë kontakt me nëna të reja dhe foshnje.
“Kur është koha e duhur për të prekur bebin e një të huaji? Thjesht mos e prek fëmijën e dikujt pa pyetur më parë!”
Duket se kjo gjë e ka shqetësuar edhe Klean, aq sa ka vendosur ta ndajë këtë mesazh në rrjete sociale.