Aktorja indiane Sara Khan është shumë e njohur në vendin tonë me rolin e “Sadnës” në serialin “Bidaai” i cili dikur theu rekorde shikueshmërie. Së fundmi aktorja ishte në vëmendje të mediave pasi u infektua me koronavirus, betejën me të cilin arriti ta kalojë.
Tashmë Sara i është rikthyer postimeve të shumta në rrjete sociale dhe me njërin prej tyre ka tërhequr vëmendjen e shqiptarëve. Aktorja ka postuar një video ku shfaqet krah aktorit Angad Hasija i njohur si “Alek” dhe në sfond dëgjohet kënga e Taynës “Qeqe”. Nuk dihet ende nëse Sara është fanse e Taynës apo kjo ishte koiçidencë. Por sigurisht ky veprim i ka gëzuar pa masë fansat shqiptar.
