Në Shqipëri është shënuar viktima e katërt e gripit, dhe lajmi konfirmohet nga spitali i Sanatoriumit.
E ndjera është një grua 75-vjeçe e cila kishte dhe sëmundje të tjera bashkëshoqëruese. Pak ditë më parë ISHP tha se vendi aktualisht është në situatë gripi me intensitet mesatar dhe dy javët e fundit ka pasur një rritje të shpejt të rasteve të gripit.
“Gripi në Shqipëri ka intensitet mesatar por në rritje. Dy javët e fundit kemi një rritje të shpejt ëtë rasteve m egriup. Kjo vihet re me infeksionet respiratorë akute, pra numri i infeksioneve akute ka arritur për rreth 19 mijë që është i ngjashëm me vitin që shkoi dhe gripi, virusi i cili qarkullon në vendin tonë është AH1N1. Situata është e ngjashme me atë të gripit në vendet në rajon, Italinë, Maqedoninë, Malin e Zi. Përveç Greqisë që ka një rritje më të lartë të virusit të gripit. Deri tani janë dy raste të konfirmuara me grip, dhe një rast tjetër, që është menduar për grip, dhe është duke u verifikuar nëse ka qenë si pasojë e gripit. Ne jemi në sezonin e gripit. Kemi një rritje të shpejtë të rasteve me grip, por nuk është grip derri”, tha atëherë doktoreshë Bino.
Aktualisht bëri të ditur ajo, përdorimi i vaksinave kundër grupit janë në masën 80% duke bërë apel njerëzve që të vaksinohen.