Princesha Elia Zaharia, e përfolur shpesh për një shtatzëni të mundshme dhe pse kanë rezultuar thashetheme, është shtatzënë. Familja e princit Leka do të shtohet me një vogëlush.
Ata janë fotografuar ditën e djeshme nga “Panorama Plus” rrugëve të qytetit, teksa shëtisin dorë për dore.
Aktorja kishte veshur një fustan të gjatë me lule dhe sandale, teksa barku i saj i rrumbullakosur nuk mund të fshihet më.
Nuk dihet ende se në çfarë muaji është ajo dhe as gjinia e bebushit, por ne mezi po presim të mësojmë detaje të reja.
Elia, 37 vjeçe, e Princi, 38 vjeç, u martuan në vitin 2016 në një ceremoni martesore që bëri shumë bujë, pasi mblodhi në Tiranë familjet e famshme mbretërore nga e gjithë bota.
Ata kanë shumë vite në krahët e njëri-tjetrit, teksa në 2010 u fejuan në qytetin e dashurisë, Paris.
