Një ngjarje tronditëse është shënuar në një market në Koln të Gjermanisë.
Raportohet se 53-vjeçari Ihsan Ergin është sulmuar me thikë nga një person tjetër, në vendin e punës.
Sipas medias gjermane “EXPRESS” i dyshuari për sulmin është një i ri rreth të 30-ve me origjinë shqiptare.
Për arsye hetimi nuk bëhet i ditur identiteti i tij.
Në një video dhe fotot e bëra virale nga mediat gjermane, shihet se si i riu sulmon 53-vjeçarin, duke i shkaktuar një plagë 18 cm të thellë në shpinë.
Për të ndaluar sulmuesin, është dashur ndërhyrja e punonjësve të tjerë të marketit, të cilët e goditën agresorin me shishe birre në kokë.
Ndërkohë shkak për sulmin mund të jetë bërë xhelozia, mes punonjësve të marketit.
