Pak ditë më parë, Iva Tiço reagoi kundrejt lajmit se gjobat e vëna gjatë kohës së karantinës për qytetarët që nuk zbatuan masat, janë falur. Tiço nuk ishte aspak dakort lidhur me këtë vendim, që është marrë shpesh pas çdo periudhe ‘gjobvënie’.
Këtë fundjavë, kryeministri Edi Rama njoftoi se nga e enjtja, mbajtja e maskës do kthehet me detyrim kudo. Në të kundërt, gjoba do t’i bashkangjitet faturës së dritave. Nisur nga reagimi i Ivës, mesa duket nuk kanë qenë të paktë ata që e kanë ‘ngacmuar’ me mesazhe pikërisht për këtë njoftim të kryeministrit. “Një sqarim i vockël për ata që lexojnë ndryshe: që nga enjtja do ta vendos maskën ku të kërkohet, nuk më kushton gjë. Do vijoj të bindem, siç u binda në pranverë kur ndenja gati tre muaj brenda, sepse nuk di të bëj ndryshe dhe sepse besoj se kjo është e mira e të gjithëve”, ka sqaruar Tiço.
Iva gjithashtu ka shtuar se statuset e ditëve të fundit janë zhgënjimi i radhës për ata që zbatojnë rregullat. “Boll ndihemi keq kur të shohim të tjerët që s’e çajnë, por duhet të shohim edhe se si u falen gjobat, dritat e papaguara apo thjesht se si nuk ndëshkohen. Kaq kisha”, ka shtuar Iva.
