“Nuk luhet ‘përdhunimesh’” është marshimi që nisi sot kundër dhunës seksuale. Kjo është një nismë e iniciuar nga qytetarët shqiptarë, opinioni i të cilëve u trondit me ngjarjen e rëndë të 13-vjeçares nga Kavaja.
Dhjetëra qytetarë me pankarta në duar janë mbledhur para Ministrisë së Arsimit, për të marshuar më pas drejt Drejtorisë së Policisë.
Pankartat që mbajnë në duar janë shumë domethënëse, disa i referohen rastit të vajzës në fjalë, e disa për të parandaluar këtë fenomen.
Disa nga shkrimet e pankartave:
“Seksi nuk është dhuratë për ditëlindje”
“Shenjtëria’ e familjes patriarkale është mallkuar.”
“Ti nuk bëre asgjë për ta merituar.”
“50 Shades od Kavaja.”
“Minifundet nuk përdhunojnë. Përdhunuesit po!”
