Shqipe Hysenaj është kthyer tashmë në personazh të ditës së medias rozë pas përjashtimit të saj ajo i ka shpallur luftë programit që e bëri të famshëm.
Duket se përjashtimi për një kohë të pacaktuar nga produksioni nuk është pritur edhe aq mirë nga Shqipja, e fundit kjo që ka reaguar tashmë hapur në lidhje me këtë.
Në një postim në Instagram, Shqipja shkruan “Faleminderit të gjithëve për suportin tuaj…nuk do jua harroj kurrë dhe të dini që me ndihmën tuaj dhe drejtësinë time do fundosen shumë veta”, ndërsa shënimin e saj e shoqëron edhe me një trepikësh.
Vendimi për përjashtimin e 28-vjeçares është marrë pasi Shqipja bullizoi Gracionon, për faktin se është biseksual, dy vajzat, Tean për peshën e saj dhe Anën për flokët.
‘Përgjegjësia jonë është shumë e madhe, jo vetëm nga publiku por dhe logos që përfaqësojmë. Ne kurrsesi nuk bëhemi palë e thirrjeve homofobe dhe bullizuese. Ajo ka shfaqur sjellje të papërshtatshme. Top Channel do të mbrojë këdo. Ne kemi vendosur që përjashtojmë Shqipen në një afat të pacaktuar nga programi‘– shprehet moderatorja Bora Zemani, në hyrje të emisionit të ditës së djeshme.
