Në një konferencë për mediat, Monika Kryemadhi, hodhi akuza të forta ndaj mazhorancës dhe kreut të qeverisë Edi Rama.
Kryetarja e LSI u shpreh se do kemi një fitore plebishitare në zgjedhjet e 25 Prillit dhe me Kodin e Ri Zgjedhor do fitojmë 100 mandate.Pas kësaj deklarate, ka reaguar dhe kryeministri Rama, i cili shkruan me ironi: ‘Gënjeka Baba Xhikja atëherë’.
Pas reagimit të kryeministrit, Kryemadhi iu ka përgjigjur ‘Flakë për flakë’ Ramës po përmes Instagramit.
Në një video në Story, ku madje edhe e etiketon (tag), Kryemadhi deklaron sa i përket Kodit Zgjedhor me ndryshimet e maxhorancës se opozita e Bashkuar fut në parlament 100 deputetë.
Por sa i përket Presidentit dhe kundërshtive, ajo thekson se është i të gjithë shqiptarëve dhe do të përfaqësohen në parlamentin e ardhshëm të gjitha partitë e reja dhe individët që duan.
“Presidenti është i të gjithëve, i gjithë shqiptarëve dhe do të përfaqësohen në parlamentin pas 25 prillit të gjitha partitë e reja që duan të krijohen apo dhe dhe individë të tjerë prandaj kërkon që Kodi Zgjedhor të mos jetë ky që ke miratuar ti, ndërsa unë Monika Kryemadhi jam kryetare e LSI-së, kam hallin e të rinjve dhe të rejave, kam hallin për të krijuar figura të reja në LSI që të krijojmë hapësira të reja për të rinjtë dhe të rejat brenda LSI-së dhe me Kodin e ri Opozita e Bashkuar bashkë me LSI-në fusin rrumbullak 100 deputetë në parlament. Meqenëse ti nuk lejon komente po të bëj tagg”, deklaron Kryemadhi.
