Disa ditë më parë u zbulua lista e plotë me nominimet e MTV EMA për këtë vit. Artistja me origjinë shqiptare , Dua Lipa, u nominua në kategoritë “Best Artist”, “Best Song” për hitin “Don’t Start Now”, “Best Pop” dhe “Best Act” për zonën e Britanisë së Madhe dhe Irlandës.
Ndërkohë listën e nominimeve për këtë vit e kryeson Lady Gaga me 7 të tilla. Artistja ndiqet nga grupi BTS dhe Justin Bieber me nga 5 nominime secili. Ceremonia ndërkombëtare e çmimeve këtë vit ka shtuar disa kategori të reja si “Best L:atin”, “Video for good” dhe “Best Virtual Live”.
Por në eventin madhështor nuk do të jetë vetëm Dua Lipa e pranishme nga shqiptarët e famshëm. Së fundmi Rita Ora ka zbuluar se edhe ajo do të bëhet pjesë e MTV EMA-s, por do të ketë një rol tjetër.
Këngëtarja ka treguar se ajo do të prezantoj këtë vit në evennt dhe është shprehur shumë e lumtur për këtë fakt. “E lumtur që do të prezantojë këtë vit në MTV EMA”, ka shkruar Rita shoqëruar me një foto të posterit të saj.
Megjithatë kjo nuk është eksperienca e parë për Ritën si prezantuese në këtë event, sepse edhe në vitin 2017-të ajo u përzgjodh për të drejtuar në Wembley Arena. Këtë vit MTV EMA do të mbahet në datë 8 nëntor dhe performancat do të xhirohen në disa vende të ndryshme të Europës.