Adelina Ismaili ka shkaktuar debate në rrjetet sociale me një deklaratë për këngëtarin Arif Vladi. Gjatë emisionit e “Tetë a tetë me Adelinën” këngëtarja e njohur deklaroi se Arif Vladi është paguar për këngën “Marshi i UÇK-së”.
Më pas ka lindur një debat mes tyre, pasi Vladi i mohoi akuzat dhe i kërkoi Adelinës që të nxjerrë faktet, përndryshe do të përballej me të në gjyq.
Për të përforcuar deklaratën e saj, Adelina Ismaili ka shprehur në rrjetet sociale, se ky fakt është pohuar edhe nga Refik Hamiti. Ky i fundit pretendon se ishte ai sponsori.
“Mirëmëngjesi Arif Vladi. A po don gjyq me mua? A i ke paguar taksa Kosovës kur je paguar në koncertet që lajmëroheshin si humanitare? Zvicrës? Gjermanisë? Et. Ky është vetëm fillimi. Ju duhet të qëndroni në emisionin ‘Tetë a tetë’ për të kuptuar se kush vërtet jeni. Vërtet ka kaluar koha kur keni shkelur mbi njerëzit e mirë, kur keni shitur të shenjtën. Ama tash faqen ta qnuki pak”, shkroi Adelina.
