Në kohë pandemie si këto që po jetojmë, forcimi i imunitetit është tejmase i rëndësishëm. Vaktet ditore janë burim i vitaminave, mineraleve, aminoacideve thelbësore, acideve yndyrore të rëndësishme dhe karbohidrateve komplekse.
Gjithashtu, produktet e qumështit duhet të përfshihen në dietë. Është e nevojshme të zvogëlohet marrja e lartë e yndyrave të ngopura, mishit të kuq, ushqimeve të pasura me acide yndyrore trans dhe të rritet marrja e fibrave dietike dhe ushqyesve të tjerë të vlefshëm.
Është e nevojshme të pini rreth një litër e gjysmë lëng çdo ditë, ujë ose çaj bimor të pa ëmbëlsuar, në mënyrë që të hidratoni dhe detoksifikoni trupin.
Mbrojtja nga Ftohja
Marrja e sasisë së kërkuar të lëngjeve është thelbësore për ruajtjen e lagështisë në mukozat, kështu që shkaqet e ftohjeve nuk do të kenë asnjë mundësi t’i depërtojnë ato. Sa i takon sheqerit është parë se ai rrit mundësinë e infektimit. Sheqeri në fakt zvogëlon seriozisht aftësinë e qelizave të bardha të gjakut për të shkatërruar bakteret.
Gjithashtu, flini mjaftueshëm. Teksa flemë natën, trupi mbledh energji të re. Një numër i mjaftueshëm i orëve të gjumit zvogëlon mundësinë e ftohjes.
Vitaminat dhe Mineralet
Marrja optimale e vitaminave dhe mineraleve, fito-kimikateve, aminoacideve thelbësore dhe acideve yndyrore të pangopura është e nevojshme për funksionimin e duhur të sistemit imunitar, por shpesh nuk i marrim sa duhet përmes ushqimit. Në këtë rast, suplementet dietike me lëndë ushqyese që marrin pjesë në proceset metabolike dhe ndihmojnë në funksionimin e duhur të trupit janë të dobishme.
Një aleat i rëndësishëm në luftën kundër sëmundjes, vitamina C mund të përdoret në doza më të vogla në parandalim ose të rritet në fazën akute të sëmundjes, kur është më mirë të ndani marrjen e saj në disa doza ditore. Vitamina C e përdorur më së miri vjen nga burimet natyrore në kompleks me bio-flavonoidet.
Gjithashtu, kërkimet e fundit kanë konfirmuar se vitamina D3 është e rëndësishme në sistemin imunitar dhe mungesa e saj rrit ndjeshmërinë ndaj infeksioneve.