Presidenti i Republikës së Shqipërisë, Ilir Meta ka shpërthyer sot në studion e “Zonë e Lirë”, teksa “nuk ka lënë gjë pa thënë për Ramën”.
Pasi i tha “këlysh blloku” dhe “qen bir qeni”, Meta tha se ka aq forcë sa ta bëjë Ramën që të mos ketë vend ku të futet.
Duke iu përgjigjur deklaratës së kryeministrit në Kuvend i cili tha: Çfarë do Meta tani, të bëhet mbret apo dëshmor?, Meta tha se e ka për krenari të bjerëi dëshmor, por kurrsesi të përfundojë si Rama.
Debati i plotë
Meta: Unë kam atë fuqi që e bëj sot atë që të mos ketë vrim në Shqipëri ku të futet. Ai paguan oligarkët. Njerëzit vdesin në spitale. 63% e azilkërkuesve në BE janë nga Shqipëria.
Rakipllari: Ju si president jeni në rolin tuaj?
Meta: Patjetër. Roli im është t’i dal për zot kushtetutës.
Rakipllari: Roli juaj është të ekuilibroni pushtetet, jo t’i thoni qen bir qeni.
Meta: Një njeri që izolon vendin qëllimisht, që terrorizon përfaqësuesit e instituicioneve shtetërore. I thotë gjeneralë të ushtrisë mos shkoni në takim me presidentin. Shteti është marrë peng nga një bandë që kontrollohet nga Sorosi. S’dua që të nxjerr emrat e atyre analistëve që paguhen nga ai. Kemi ardh në një moment final. Votimi i djeshëm ka qenë skandaloz. Një pal do të jetë dhe lojtar dhe arbitër.
Meta: Unë e kam për nder të bie dëshmor i kombit ore. Është krenari e madhe. Po të përfundosh si ai, që t’i marrin gratë të tjerët…
Çani: Kjo që thatë është e rëndë…