Opinionisti sportiv Gëzim Sinemati, ka komentuar titullin Doctor Honoris Causa për presidentin e FSHF-së, Armand Duka. Në “Procesi Sportiv”, ai ka theksuar se ishte i pakuptimtë ky vlerësim.
“Kur dëgjova presidentin që mori fjalën dhe tha “është dita më e lumtur” thashë se do të thoshte “sinqerisht nuk më takon”. Se të mbash bojkot dy muaj dhe të marrësh Honoris Causa është të dalësh kundër parimeve të futbollit. Kjo më duket si e kurdisur me dorë, se kur Skënderbeu u dënua, presidenti shkoi në UEFA. Tani që u dënuan të gjithë nga bojkoti, merr Honoris Causa.
Nuk më duket lojë e mirë kjo e universiteteve, kanë model jo të mirë me titujt që japin. E kemi thënë edhe më parë që shumë janë bërë Honoris Causa, Mjeshtra. Një herë thoshin që ky i bëri vetë golat e në çoi në Europian. Kur thotë Kabo çfarë dizertacioni ka bërë, në duhet të thoshim që ka bërë dizertacion Armeninë, ajo është tema”, tha Sinemati.