Ai e ka shprehur gjithmonë simpatinë e tij për moderatoren Luana Vjollca. Një vit më parë i ftuar në një emision televiziv, Milaim Zeka i pyetur se kë do të zgjidhte për të kaluar një natë mes Luana Vjollcës dhe Fjolla Morinës, ai shpreh i bindur për Luanën.
“Absolutisht me Luana Vjollcën sepse për mua është një yll, është njeri super pozitiv dhe rrallë gjen kombinim aq të mirë që të jesh edhe e bukur, edhe e mençur. Gjithçka e ka perfekte. Zoti e ka vizatuar avash avash Luanën,”– ishin fjalët e Milaim Zekës për Luana Vjollcën.
Mirëpo i ftuar sëfundmi në rubrikën ‘After Party’ me Luanën, ku ishte së bashku me bashkëshorten e tij, Edlira Qefalia, Milaim Zeka i është përgjigjur pyetjeve pikante.
Por para se të niste me pyetjet ai ka shprehur edhe një herë simpatinë për Luanën duke thënë: “Sa herë vij tek kjo goc më dridhet edhe zemra dhe buza.”
“Nga kënaqësia dhe buzëqeshja besoj,- i kthehet bashkëshortja. “Po”, përgjigjet Milaimi, -“Prandaj thashë raftë tërmeti dhe u rrëzofshim mbi Luanën.”