Dihet “botërisht” që Noizy dhe Stresi nuk shkojnë mirë dhe duket se marrëdhëniet mes tyre s’kanë për t’u rregulluar kurrë.
Teksa të gjithë mendojmë se dyshja ka rënë në qetësi, papritur shohim ndonjë thumb në intervista apo rrjete sociale dhe duket se “lufta” është gjatë gjithë kohës e hapur.
I fundit që hodhi një thumb për Noizy-n ishte Stresi, i cili ka ripostuar videon e performancës së reperit Big Kik.
Ky i fundit fillimisht ishte pjesë e grupit “OTR”, siç tregon edhe në freestyle-in e tij.
“E kom nis me Noizyn, për atë Zot të madh se di pse nga grupi m’hoqi. Jo se kam naj gjo me to se s’du me majt inate po s’di pse jena nda. Pse mu fut blloku pa dy llafe. S’kam kohë me bo debate, nga ty dua një arsye, mendoja se me OTR do kapja yjet”- thotë Big Kik ndër të tjera.
Këto fjalë ‘kundër’ Noizy-t duket se i kanë pëlqyer Stresit, i cili ka ndarë në InstaStory videon dhe krahas saj shkruan:
“E paska degjeneru boli”
Ndërkohë, nuk kemi ende asnjë reagim nga Noizy.