Mbrëmjen e kaluar, Saimiri në programin “Love Story” të Alketa Vejsiut dhe Vera Grabockës eleminoi dy vajza.
Teksa po i jepnin lamtumirën programit, një prej vajzave u prek dhe nisi të përlotej, ç’ka e bëri videon e publikuar virale në rrjet.
Pak pas largimit, Klea ka postuar një status të gjatë në rrjetet sociale, ku shprehet se lotët e derdhura ishin për shkak të padrejtësisë që i kishin bërë dhe jo për Sajmirin.
“S’di pse e ndjeva si detyrë t’iu jap një përgjigje të gjithëve në këtë story meqenëse me mesazhe për momentin nuk mundem të kthej.. Në radhë të parë faleminderit nga zemra të gjithë njerëzve për mbështetjen, kurajon e çdo fjalë të mirë”, – shkruan Klea. “Unë nuk qava për djalin, qava për momentet e padrejta që të sjell jeta, por kur je një njeri i drejtpërdrejtë dhe i thua gjërat siç janë, kështu është! Njerëzit e mëdhenj guxojnë në jetë, jeta është ulje-ngritje dhe pas çdo gjëje të keqe ndodh një gjë e mirë. Shpirtin e madh e mendjen e ndritur do ma njihni shumë shpejt! Prisni surpriza!”
Nuk dihet nëse ky është një lloj mesazhi nga Klea për produksionin e Love Story, por duket se ish-konkurrentja tashmë ka në plan të mos largohet nga vëmendja mediatike për pak kohë.
