Kryeministri Edi Rama ka inspektuar punimet në shkollën e re Ahmetaq në Vorë, e cila është hapur për nxënësit e mësuesit, pasi u rindërtua për shkak se u dëmtua nga tërmeti i 26 nëntorit.
Rama tha se me hapjen e kësaj shkolle tanimë do të evitohet mësimi ne 2 turne.
” Me këtë shkollë evitohet përfundimisht mësimi me 2 turne”, tha Rama.
Ndërsa ka inspektuar ambientet e shkollës dhe ka shprehur vlerësime për mënyrën se si është ndërtuar, tanimë Rama ka urdhëruar dhe motivuar inspektorët që të vijojnë me rindërtimin e pallateve.
“Tani forca me banesat dhe pallatet. Prishjet kanë fillu”, shtoi kryeministri.
Nga kjo shkollë do të përfitojnë 215 nxënës.
“215 nxënës që do të përfitojnë. 8 klasa 3 laboratorë dhe një palestër. Vora është një nga bashkitë kryesore që përfiton nga rindërtimi i shkollave”, tha ministri Arben Ahmetaj i cili po shoqëronte kryeministrin në këtë inspektim.