Dita nisi “ëmbël” në “Për’Puthen”. Andi vendosi të zgjidhte Tean në një vallëzim romantik, vallëzim ky që u mirëprit nga vajza.
Teksa lëviznin nën ritmet e muzikës, Andi i shprehu dëshirën bukuroshes për ta puthur në faqe, por vajza nuk pranoi, duke u justifikuar se i prishej make-up.
Pavarësisht përgjigjes së Teas, Andi e realizoi puthjen e ngrohtë, e pas këtij veprimi u duartrokit nga konkurrentët e tjerë. Pas vallëzimit, dyshja tha se kanë shumë gjëra për të diskutuar me njëri-tjetrin, duke lënë të hapur një takim të mundshëm në ditët në vijim.