Klodian Rasha, 25 vjeç, është i riu që u qëllua më armë zjarri nga Policia pas mesante në Tiranë, pasi nuk iu bind urdhrit të patrullës për të ndaluar.
Ish-deputetja Silva Caka u shpreh se “policia pa këpucë dhe elektrikë e Edi Ramës, mendon se është e paprekshme dhe se mund të ushtrojë terror, sepse shefat iu kanë lënë dorë të lirë të bëjnë ç’të duan me gjobat, hashashin, krimin dhe jetët e njerëzve.”
“Demokracia u njollos me gjak!
Më 8 Dhjetor, në ditën e demokracisë, Shqipëria pas 30 vitesh shenjohet nga vrasja e një të riu… Nga Policia e Edi Ramës… Trishtimi për degradimin e shtetit tonë nuk mundet të jetë më i madh se kaq!
Ky vend duhet të merrte flakë sot nga protestat!!!
Veprimet e kryera nga vrasësi i 25 vjeçarit në Laprakë, janë kryekëput joproporcionale me veprimet e të riut që sot ka humbur jetën.
E në fakt Policia e Edit, Sandrit dhe Ardit ka kohë që kryen veprime joproporcionale; fyen në mënyrë joproporcionale, arreston dhe ndalon në mënyrë joproporcionale, rreh në mënyrë joproporcionale e tashmë edhe të vret në mënyrë joproporcionale.
Policia pa këpucë dhe elektrikë e Edi Ramës, mendon se është e paprekshme dhe se mund të ushtrojë terror, sepse shefat iu kanë lënë dorë të lirë të bëjnë ç’të duan me gjobat, hashashin, krimin dhe jetët e njerëzve.
Tashmë Policia e Edit nuk simbolizon më ruajtësit e rendit, mbrojtësin e qytetarëve dhe të së drejtës; Policia pa këpucë e Edit është vetëm në shërbim të Edit”, shkruan Silva Caka.