Rregullorja anti-Covid nuk të detyron të mbash maskë kur je në fushën e lojës, por për një futbollist nga Hondurasi është e nevojshme.
Jerry Bengtson është i vetmi që e bën këtë, madje nuk e hoqi për asnjë moment në përballjen e Champions League amerikano-veriore.
Sulmuesi 33-vjeçar i Olimpia e shikon prej disa kohësh si një masë për të mbrojtur familjen e tij në këtë pandemi, sipas mediave nga Hondurasi, vend që numëron më shumë se 3 mijë viktima dhe rreth 115 mijë të infektuar nga fillimi i pandemisë.
Olimpia me Jerry Bengtson arriti të kualifikohet në gjysmëfinalet e këtij aktiviteti duke eliminuar skuadrën kanadeze Montreal Impact të drejtuar nga Thierry Henry.