Nga Arbi Fortuzi
Për për ta parandaluar përhapjen e COVID 19, qeveria ka vendosur të ndëshkoj me gjobë ata që nuk vendosin maskën mbrojtëse në ambientet publike, një vendim mëse i drejtë i marrë hua edhe nga vendet e tjera në BE apo edhe në SHBA. Por, ashtu si për maskat, që na mbrojnë nga virusi, a mos duhet të gjobisim dhe ata që sillen si “virus” me natyrën dhe dëmtojnë atë, duke hedhur ndotjet e tyre vend e pa vend?!
-Mëngjesin e sotëm udhëtova drejt Pezës, në një zonë tejet piktoreske, me pamje fantastike dhe me një histori mjaft të rëndësishme për vendin tonë. Vetëm pak kilometra larg Tiranës, Peza është padyshim një nga oazet e qetësisë për pushues “Part Time”, siç jemi ne gazetatarët, që detyra na kërkon të jemi në front të lajmit të parë.
Pikërisht në këtë kontekst nuk mund të injoroja pamjen që mu shfaq përpara, kur qytetarë të pandërgjegjshëm pasi kanë konsumuar një vakt në parkun qëndror të Pezës janë larguar pa pa patur asnjë brengë apo dhimbje për ndotjen që po ju linin dhuratë, atij vendi që ju dhuroj disa orë pushimi dhe mundësinë për të gatuar një vaktë me zgarën e tyre nën hijen e pemës. Trshtimi ishte i madh… Pamjet që arrita të marrë përmes smart phonin tim janë këto që po ju server. Koshi i mbeturinave ishte pak më tutje, ndërsa mbeturinat, plastikët, shishet e verës, dhe shumë të tjera, ishin tashmë prej orësh duke i marrë “frymën” bukurisë së atij oazi, dhe “fytyrën” një prej zonave me një vlerë të rëndësishme historike për vendin tonë…Është shumë lehetë të hedhësh gurë mbi pushtetin lokal, apo instancat e tjera, të cilat duhet të jenë të vëmendshme, por faji kryesorë në këtë kontekst është i atij që vetëquhet qytetar, që nuk ka ndërgjegjen e duhur për të marrë përsipër të ruaj ambientin ku jeton.
Në këtë prizëm do propozoja dhe një gjobë, ashtu si edhe për maskat, edhe pë rata persona që ndotin ambientin me papërgjegjshmërinë e tyre, kështu, ndofta herës tjetër do jenë më të vëmendshëm dhe të mos e gërryejmë ambientin ku jetojmë.