Këtë vit për herë të parë aktorja shumë e dashur për publikun shqiptar Olta Gixhari i kalon festat e fundvitit si nënë.
Prej 4 muajsh, me ardhjen e Amar në jetë, ajo është bërë nënë dhe duket më e lumtur se kurrë. Ditën e sotme Olta i ka shkruar një letër publike babagjyshit, ku ndryshe nga çdo vit tjetër nuk i kërkon asgjë, thjesht e falenderon për të birin.
Krahas dy fotove, një të Amar dhe një ku shihet vetë bashkë me të voglin, bukuroshja bjonde shkruan se me këto foto kartolinë do t’i tregojë të gjithë qiejve që është e lumtur dhe se ëndrra e saj u realizua.
I dashur babagjysh!
Këtë vit nuk do kërkoj asgjë, këtë vit dua të falënderoj për më të shtrenjtin tim Amar! Thonë që ti vjen përmes qiejve me slitën tënde magjike, atje lartë, thonë që është perëndia me e bukur e dëshirave dhe e ëndrrave! Me këtë foto kartolinë dua t;i tregoj të gjithë qiejve që unë jam e lumtur, ëndrra ime u realizua.
Mam,babi dhe Amar❤️❤️❤️
Faleminderit babagjysh!
Gixhari, është bërë më 22 gusht nënë për herë të parë. Ajo ka mirëpritur në jetë fëmijën e saj të parë, ndërsa lajmin e bukur e ka ndarë vetë në rrjete sociale.