Duke pasur parasysh motin e keq Bashkia e Lezhës ka paralajmëruar qytetarët se priten reshje të shumta shiu, të cilat mund të vështirësojnë aktivitetet e përditshme, qarkullimin me makina, si edhe mund të sjellin përmbytje të tokave duke rrezikuar familje në zonat me rrezik të lartë.
Njoftimi i bashkisë:
Të nderuar qytetarë lezhjan!
Duke ju uruar festa të mbara, Bashkia Lezhë ju bën me dije se priten reshje të shumta shiu të cilat mund të veshtirësojnë aktivitetet tuaja të përditshme, qarkullimin me makina, tokat e mbjella, rrugët e lagjeve, kjo edhe për shkak të punimeve që po kryhen, gjithashtu mund të rrezikojnë ndonjë familje me shtëpi në zona me rrisk të lartë.
I gjithë stafi i Bashkisë, i cili është përgjegjës për çështjet e emergjencave civile është në gadishmëri të plotë të pëballuar situaten.
Janë siguruar të gjitha mjetet e nevojshme për t’u ardhur në ndihmë sa më shpejt për çdo rast veshtirësie që mund të ndodhe.
Për çdo problem duhet të telefononi tek Nr. 068 669 4445 ose na shkruani në inbox.