Studiuesit nga Spanja thonë se të jesh në gjendje të ngjitësh katër shkallë brenda një minutë është një tregues i saktë se shëndeti juaj i zemrës është mirë.
“Testi i shkallëve është një mënyrë e thjeshtë për të kontrolluar shëndetin e zemrës suaj. Nëse ju duhen më shumë se një minuta e gjysmë për t’u ngjitur në katër shkallë, shëndeti juaj është nënoptimal dhe do të ishte një ide e mirë të konsultoheni me një mjek”, është shprehur Dr. Jesús Peteiro, një kardiolog.
“Aftësia për të ngjitur shkallët mund të përdoret si një mënyrë e papërpunuar për të vlerësuar funksionin fizik të dikujt që mund të jetë parashikues i shëndetit të përgjithshëm të zemrës. Sidoqoftë, unë besoj se ky vetëvlerësim i vrazhdë nuk mund të zërë vendin e një ekzaminimi të duhur fizik dhe historikut nga një mjek dhe një test i duhur”, tha tha Dr. Renee Bullock-Palmer, një kardiologe dhe drejtoreshë e Qendrës së Zemrës së Grave në New Jersey për Healthline.
Dr. Oyere K. Onuma, një kardiologe në Yale Medicine dhe asistenet profesore e mjekësisë në Yale, tha për “Healthline” se testi i ngjitjes së shkallëve është i dobishëm por ka kufizimet e tij.
“Përparësia e madhe e kësaj metode është lehtësia e saj. Mund të bëhet pothuajse kudo me shumë pak kërkesa për sa i përket pajisjeve ose personelit. Është gjithashtu shumë më e lirë dhe më e shpejtë për t’u bërë sesa testet tradicionale të stresit dhe mund të përsëriten shumë herë për të ndjekur çdo përparim ose ndryshim në aftësinë funksionale.
Megjithatë, ana tjetër e kësaj është që testi nuk është i standardizuar, lloji i shkallëve, shpejtësia e ngjitjes së shkallëve, koha e përpjekjeve mund të ndryshojë. Kjo metodë gjithashtu kufizon ndjeshëm vlerësimin e pacientëve me lëvizshmëri të kufizuar dhe pacientëve të moshuar, të cilët mund të kenë më shumë vështirësi mekanike në ngjitjen e shkallëve, është shprehurDr. Oyere.