Ekipi i Teutës ka marre tre pikë sot perballë Kukësit në takimin e zhvilluar në Durrës. Vendasit fituan me rezultatin 2-1 kundër një ekipi që e mbylli ndeshjen me 9 lojtarë.
Pjesa e parë foli për ekipin e Shkëmbit, që provoi disa herë të gjente golin, e në minutën e 27-të, pretendoi edhe për penallti me Kamara, por gjyqtari Xhaja nuk akordoi.
Teksa lojën e bënte Teuta, golin e gjeti Rexhinaldo, me një realizim mjaft të bukur nga jashtë zone, që shtangu Hidin.
Gjithsesi, në të dytën, Teuta u fut përsëri me të njëjtin synim, për të gjetur golin, dhe diçka të tillë e bëri Progni, me një realizim fantastik nga goditja e dënimit. Vetëm 2 minuta, dhe në “Niko Dovana” ka sërish festë, pasi sërish në zhvillimet e një goditje dënimi, është Arapi që shtyn drejt rrjetës.
Dramë në momentet e fundit, me Kukësin që i akordohet një penallti, për një prekje me dorë të Osmanit. Godet Uilliam Kordeiro Melo, por heroi Hidi pret ndaj brazilianit, teksa Teuta ishte me 9 vetë, pas daljes me Osmanit me të dytin e verdhë, dhe Hakaj që ishte i dëmtuar dhe Shkëmbi nuk kishte më zëvendësime në dispozicion.
Kështu, Teuta parakalon Kukësin, me 39 pikë në renditje, ndërsa verilindorët me 1 pikë më pak.
Teuta-Kukësi 2-1
GOL: Prongi 70′, Arapi 72′ / Rexhinaldo 37′
Karton i Kuq: Osmani 93 (2V)