Presidenti Ilir Meta, përmes një postimi në rrjetet sociale teksa thekson se Shqipëria së vendin e parë në Europë për numrin e azilantëve ekonomikë, lëshon thirrjen e fortë se tani është koha për të menduar dhe vepruar për shqiptarë.
“Shqipëria zë vendin e parë në Europë për numrin e azilantëve ekonomikë, duke lënë pas edhe vende të sapodala nga lufta dhe konfliktet civile.
Një shqiptar ndihet sot më i pashpresë se një sirian, iraken dhe afgan.
Lufta efikase kundër varfërisë, zhdukja e monopoleve, anulimi i koncensioneve korruptive, rritja e prekshme e pagave dhe pensioneve, hapja e vendeve të reja të punës, ulja e taksave, krijimi i shanseve dhe i mundësive të reja për të rinjtë e ndalojnë shpopullimin.
KOHA PËR TË MENDUAR DHE VEPRUAR PËR SHQIPTARËT!”, shkruan Meta.
