Policia e Tiranës ka identifikuar dhe ka shpallur në kërkim autorin e dyshuar të vjedhjes së filialit të një institucioni të dhënies së kredisë, ngjarje e ndodhur më 23 janar.
Sipas policisë bëhet fjalë për K. Ç., 21 vjeç. Ngjarja ka ndodhur në kryqëzimin e rrugës “Hoxha Tahsin” dhe rrugës “Bardhyl”.
Lexo edhe- Grabitet dega e institucionit të mikrofinancës në Tiranë- VIDEO
NJOFTIMI
Identifikohet dhe shpallet në kërkim autori i dyshuar i vjedhjes së filialit të një institucioni për dhënie kredisë me datë 23.01.2021.
Gjithashtu ky shtetas ka rezultuar si autor i vjedhjes së një farmacie në bulevardin “Zhan D’ark” me datë 21.01.2021.
Specialistët për Hetimin e Krimit në Komisariatin Nr.1 në bashkëpunim me Komisariatin e Policisë Nr.4, bënë të mundur identifikimin dhe shpalljen në kërkim të shtetasit K. Ç., 21 vjeç, banues në Tiranë.
Ky shtetas dyshohet si autor i dyshuar i vjedhjes së filialit të një institucioni për dhënie kredisë me datë 23.01.2021 si dhe si autor i vjedhjes së një farmacie me datë 21.01.2021.
Punohet për kapjen dhe shoqerimin e këtij shtetasi.